‘नकोरिएका सन्दर्भहरु’ विमोचित

काठमाडौं– अनीता ढुङ्गेलद्वारा लिखित ‘नकोरिएका सन्दर्भहरु : प्राडा अन्जनीकुमार शर्माको जीवनचरित’ नामक पुस्तकको शनिबार लोकार्पण गरिएको छ । स्व. प्राडा शर्माकी श्रीमती अन्नपूर्णा शर्माले पुस्तक लोकार्पण गर्नुभएको हो ।

प्राडा ज्ञानू पाण्डेले पुस्तकमाथि समीक्षात्मक टिप्पणी गर्दै डा. अञ्जनीकुमार शर्मा केवल चिकित्सक मात्र नभई प्रेरक समाजसेवी भएको बताए । ‘पुस्तकले नेपाली समाजको अज्ञानता हटाउन प्राडा शर्माले खेलेको भूमिका छर्लङ्ग पारेको छ । कलात्मक ढङ्गले लेखिएको पुस्तक पाठकमैत्री छ’, उहाँले भन्नुभयो । उहाँका अनुसार लेखक ढुङ्गेलले तटस्थ र सन्तुलित हिसाबले लेख्नुभएको पुस्तकमा नेपालको स्वास्थ्य क्षेत्रको सग्लो इतिहास पढ्न पाइन्छ । नेपाली साहित्यको जीवनी लेखन विधामा यस पुस्तकले नयाँ आयाम थप्ने पाण्डेको विश्वास छ ।

वरिष्ठ पर्यटन व्यवसायी कर्ण शाक्यले स्व. प्राडा शर्मा राजादेखि रैतीसम्म सबैको प्रिय व्यक्ति भएको सुनाउनुभयो । प्राडा प्रमिला प्रधान र प्लास्टिक सर्जन शंकरमान राईले स्व. प्राडा शर्मा प्राज्ञिक व्यक्तित्व भएको बताए । उहाँले भन्नुभयो, ‘चिकित्सकले रोग तथा स्वास्थ्यसम्बन्धी लेख लेखेर आम जनतालाई जानकारी गराउनुपर्छ भनी लेखन कार्यका लागि उहाँ सदा घच्घच्याइरहनुहुन्थो ।’

वरिष्ठ शल्यचिकित्सक डा. सुदीपकुमार भट्टाचार्यले स्व. प्राडा शर्मालाई नेपालको आधुनिक शल्यचिकित्साका जननी भएको दाबी गर्नुभयो । समाजसेवी पुनमचन्द्र अग्रवालले लाइन्स क्लबमार्फत नेपाली समाज सेवामा स्व. प्राडा शर्माले अविष्मरणीय योगदान पु¥याएको बताउनुभयो । वरिष्ठ चिकित्सक डा. गौरीशंकर लाल दास तथा बालरोग विशेषज्ञ डा. हेमाङ्ग दीक्षितले स्व. प्राडा शर्माले क्यान्सर रोगको रोकथाम, नियन्त्रण तथा उपचारमा पु¥याएको योगदानमाथि चर्चा गर्नुभयो ।

उक्त पुस्तकको मूल्य ५५० रुपियाँ रहेको छ । पुस्तक बिक्रीबाट संकलित रकम भक्तपुर क्यान्सर अस्पताललाई प्रदान गरिने बताइएको छ ।

ईछापा डेस्क
Desk Editor at eChhapa.com | + posts

लेखक ईछापा डट कमका डेस्क एडिटर हुन् ।

सम्वन्धित समाचार

- विज्ञापन -

नयाँ अपडेट

- विज्ञापन -