भक्तपुर अस्पतालमा मेरुदण्ड (स्पाइन) को शल्यक्रिया सम्पन्न

भक्तपुर अस्पतालमा मेरुदण्ड (स्पाइन) को फ्र्याक्चर भएका एक बिरामीको सफल स्पाइन स्टेबिलाइजेसन शल्यक्रिया सम्पन्न भएको छ ।

दुर्घटनापछि ढाडमा गम्भीर चोट लागेर अस्पतालमा भर्ना भएका बिरामीको सफल स्पाइन स्टेबिलाइजेसन शल्यक्रिया गरेको हो । विस्तृत चिकित्सकीय मूल्यांकन तथा आवश्यक रेडियोलोजिकल परीक्षणपछि मेरुदण्डको फ्र्याक्चर पुष्टि भएको थियो । बिरामीको अवस्थालाई मध्यनजर गर्दै विशेषज्ञ चिकित्सकहरूको टोलीद्वारा सफलतापूर्वक स्पाइन शल्यक्रिया सम्पन्न गरेको हो ।

उक्त शल्यक्रिया भक्तपुर अस्पतालका अर्थोपेडिक सर्जनहरू डा. मधु पाण्डे, डा. शैलेन्द्र महर्जन, डा. बिनित ढकाल तथा डा. रोशन ग्वाछाको टोलीद्वारा सफलतापूर्वक सम्पन्न गरेको हो । हाल बिरामीको स्वास्थ्य अवस्था सन्तोषजनक रहेको छ र चिकित्सकहरूको निगरानीमा स्वास्थ्य लाभ गरिरहेको छ ।

सफल स्पाइन शल्यक्रियाले भक्तपुर अस्पतालको विशेषज्ञ सेवा, आधुनिक स्पाइन शल्यक्रिया क्षमता तथा जटिल ट्रमा बिरामीहरूको सुरक्षित व्यवस्थापनप्रतिको प्रतिबद्धतालाई थप सुदृढ बनाएको छ ।
शल्यक्रियालाई सफलतापूर्वक सम्पन्न गर्न महत्वपूर्ण योगदान पु¥याउनु हुने एनेस्थेसिया विशेषज्ञ डा. दीपक लोहला अनेस्थेसिया टोलि तथा नर्सिङ टोलीलाई भक्तपुर अस्पतालको अर्थोपेडिक तथा ट्रमा सर्जरी विभागले हार्दिक धन्यवाद तथा कृतज्ञता व्यक्त गरेका छन् ।